Capri's Blog: 2011

2011年11月29日星期二

我的七彩嫁喼

朋友問我為什麼要由台灣回來才買喼
我說: 嫁喼呀..!!!
朋友說: 結婚要喼架咩??

係呀...真係要用喼架....因為到時候要將自己既所以嫁妝放晒入去...
然後就拖住個喼出呢個娘家....
呢種感覺好似番番去古裝年代咁
不過....要準備嫁妝的感覺真係好sweet !!

但係當個男人懶懶閒時.....自己就咩感覺都冇晒....!!! (no talking)

之前係一田睇中左個 29'' Hello Kitty既喼...限50個...
去到咩都冇晒 (worried)

人人都叫我買個紅色我就反傳統買個七彩既...!!!
呢個係 24" 特價 $ 499~
真係幾平架 !! 不過有d 後悔自己冇買 29"

2011年11月14日星期一

台灣 Pre-Wedding

到左今日, 我發現我對Yahoo Blog已經去到半放棄既狀態
因為呢個月實在太忙....忙...忙....

由我10月份開始搵Pre-Wedding既相片
提供俾化妝老師及攝影老師既參考
仲有就係最緊要既Check List等
好多野做....!!
好在都冇帶少野!

到左而家....番左黎啦~~ 相都影埋....最唔開心既就係去6日...6日都落足雨...
不過影得好開心...化妝老師化得好正

其實相都到左手架啦~~ 但係就好多地方要執執~
講一講我既後感

蘇菲雅 Sophia Ritz (Tina)
大致上都好滿意呢家公司, 佢地令我好放心, 由我confirm日子影相, Tina都會打電話俾我, 令我唔洗心掛掛, 就算揀相都冇狂Sell我, 由得我自己去揀, 令我好放心, 就算自己揀多左咁多張相, 自己都俾得開心.

攝影師 (至延) / 助手 ( 彥庭 )
至延係一個好搞笑既人, 佢為左令我地笑, 佢影緊個時扮狗豬叫, 成個過程都好開心, 由傾行程到出發個日都為我地著想, 知道台北落大雨, 我地轉戰近台中苗栗及勝興車站, 好多謝佢地既意見 !!

化妝老師 ( 雅綺 )
老師人好好, 化得快, 好正, 髮型更加係好多令我不忍唔住要俾個 , 佢見有時間就買左個台中特產馬琪(我地叫糖不甩) 俾我地食, 好好味 !!

司機 (小叮噹-輝哥)
司機係台中人, 好了解當地既, 成程車大家都傾得好開心, 因為小叮噹架車咩都有既關係大家都叫佢做叮噹, 佢亦都好細心咁買晒水同餅俾我地食, 晚上帶我地去左食當地既美食!! 最好笑既說係晚上時間, 我問起濱瑯妹, 他們都帶我地去睇, HAHA 真係好少布架..!! Wakakkkaaa

俾住一張相你地睇住先:

2011年9月20日星期二

遲來的婚介

自己好少提到介子呢方面
因為我自己心裡已經有個好明確既目標
就係PN入面既對介
名為 Cinderella

介子已經到手啦~ hahahaa

俾大家睇下呀!!

我覺得介子呢家野真係一世架, 我好小心咁簡..!! 希望我同亞寶都鐘意啦~ HAHA

2011年8月31日星期三

Pre-Wedding

時間真係過得好快....快到自己好似開始有點緊張起來...
因為仲有2個月左右我就要去台灣影pre-Wedding, 想起當日2010年係Expo諗住一個八卦下既心態去睇下...
點知最後落埋訂..!!

到左今日啦~~
又要 book 酒店機票...又要擔心自己既Check List入面帶少左野...
我最怕帶少野....乜都寧願多...最緊要唔好少...
Check List 雖然未正式面世
但係...有冇一d 好友們能夠給我一點提示
帶d咩先岩...有咩唔需要帶啦

2011年8月13日星期六

貓貓好介紹 !!

呢排成日講結婚野, 好少提我既寶寶貓 !!
佢叫妹妹....!! 佢今年都15歲架啦~ 係咪好唔似呢??

照片1

今日去買貓用品既時候, 老闆娘介紹左把貓梳俾我
我之前都聽好多人都介紹
但係一直都找不到
雖然梳黎講真係貴左少少
但係真係幫到d貓貓唔少
因為....現時既梳只係梳到佢地既表面既毛
唔能夠梳晒佢地底層既毛
搞到佢地舌身既時候, 食晒d毛落肚

照片4

嘩...真係梳左好多毛出黎呀!!!!
佢身上既毛真係薄左好多呀!!! ^^
照片2

haha...比平時d毛多左2倍有多呀! 勁!!! 真係要介紹下俾d貓友
不過出面好多假野架...大家小心呀!!!

2011年8月12日星期五

遲來的喜訊

我呢排真係忙到飛起
因為公司又搬寫字樓, 執左4-5日都未執完
番到屋企又要為減肥而努力等...

令我最唔開心既野就係...前幾日唔小心將自己個BLOG UPDATE左
我一直都好不滿YAHOO BLOG 要UPDATE !!!
並且有D想投訴 (angry) 反對雅虎更新!!
甚至有D想離開你們, 唔再番黎呢個傷心地
因為我知道UPDATE左就番唔到轉頭

直頭今日收到一個喜訊

就係Cocoon既Sales Sugar打電話俾我
佢話遲多少少就會番一件大Size少少既潮掛啦, 之後就話會再打俾我約我試多次
我真係好開心呀!!!
開心既唔係因為有多件, 而係佢記得自己, 記得我既需要
而家咁既服務真係好難得
而家佢既關心真係令我好刻骨銘心 !!!
好多謝你!!!

姊妹們...呢個喜訊希望幫到你們啦~~!!!
(love struck)

2011年7月28日星期四

最後選擇 - 岑漢和律師

經過我幾日來既努力及多數BLOG友既回應

我都係覺得 18:30pm 呢個時間證婚係最好

因為我想由我親人拖住我由長長既樓梯度落黎

將我交俾亞寶....

我覺得呢個時刻一定係好Sweet既

亦都 confirm左岑漢和律師 !!

點解我會咁架...手都振埋

我係度寫擬結婚通知書既時候

感覺係好緊張

我發現呢個係我做未來何太既第一步

(亞寶你咪鬼笑我呀)

2011年7月27日星期三

婚前失調意見分歧症候群 (下)

經過一日既折磨

自己深深明白到咩叫得不到是酸的既道理

所以我最後找到了我的證婚律師

Anthony Lam 林志達律師

佢回覆我電話既時候第一句就話....Capri 恭喜晒 !! 當時個心好甜( 真係好白痴)

之後佢話佢現時既收費係 $ 4600 + $ 305

但係因為酒店同佢地做緊個優惠就係 $3600全包

無錯...係全包

之後佢講解晒所有野...我話明天回覆佢...!!!

佢話冇問題....資料已經Email左俾你..!!

佢竟然咁細心!! Like !!!

晚上既時候....我就用凶狠既眼神捉住亞寶

叫佢上blog度自己research下 Anthony既評論

佢大約睇左四個之後...就話umm..都唔錯呀...好多人既評價都好好呀!!!

咁樣就打發左我走

不過....問題就黎啦~

Anthony 話多數係酒店證婚既時間多數都係

6:00~6:30 或者係 8:00~8:30

因為我同亞寶有分歧...我就覺得係6:30

而佢就話要8:00

唉.....你地話呢?? 邊度時間會好d架???

*** 點解...原來個個RECEPTION姐姐誤會左我個日子呀!!! 我係12月, 佢聽到10月=.= 林律師話...佢個日唔係香港!!!!!!!!!!!!!!!!!!!!!唉~~~~~

婚前失調意見分歧症候群

火爆係我既本性, 心急係人而常情

點解咁講??? 我又一次病發啦~ 就係婚前失調意見分歧症候群

本應以為下年才結婚既我, 可以放寬d 唔洗再為結婚既野煩

點解我今日神神化化咁打去搵自己心有所屬既岑律師度問下期

點知???佢8點個轉俾人Book左!!

心情好似由30樓跳落黎咁, 唔知點算

之後岑律師話佢8點鐘個個booking同我擺酒既地方好近

所以7點鐘都可以接到我既證婚

咁我就啦啦聲打俾亞寶問佢

點知....佢話鬼我...邊有人席前證婚架

當時既佢...姨姨哦哦....火都黎埋....

次次對婚事好唔緊張 !! 咩都唔理!!!

佢話我太早搵律師啦~

唔洗咁早啦~ 下年先啦~~

係囉係囉下年啦~ 而家心儀個位律師咁就俾人BOOK左..!!

BLOG友們有冇好介紹呀????

2011年7月21日星期四

近來煩爆的二件事

好煩呀.....

第一件事

自己係一個心急人...

咩都想快D搞掂佢!!

就算知道遲D買...係會平D自己都會快D搞掂佢既人

最多到時係後悔下自己點解咁心急架JA

HAHAHAHAA

好似機票咁...好多朋友問我...

你11月去台灣影 Pre-Wedding 洗唔洗咁早問定機票呀??

我唔怕話俾大家聽...我上年年尾已經開始問價

點知間間旅行社都話唔會咁早出

起碼都要今年既6-7月啦

我死都唔信....每個月都打電話問一次

點知去到...7月先有價..

一睇之下...嘩....點解會比我之前去台灣貴左咁多架

之前去台灣....我好記得係復活節旺季...住5星酒店

加埋TAX都係3千8百大元

而家...11月唔算係旺季呀...都要差唔多4千幾

哼...好彩....自從係BLOG識左咁多位BLOG友

佢地俾多好多資訊我..

最後...用左3千9蚊就搞掂

總算係....平...左五百蚊一個人

(不過我發現間間旅行社既TAX都唔同, 起碼有百幾既上落, 咁樣會唔會係厄人既手法呢??) 大家小心小心

第二件事

自問唔係一個傳統既人

但係我自己又分得好清

唐餅係男家買定係女家買

呢個問題圍繞左我足足一個星期, 因為未來奶奶話呢D係女家買黎送番俾我D親戚

但係好多BLOGGER就會唔係...

咁.....邊個先係正確既答案呢???

唉....

2011年7月14日星期四

佈置公司最終回

好多謝咁多位B2B對於我選擇的關心

其實我覺得佈置真係好重要, 因為呢個係客人來到既第一個感覺

就算一個爛場都可以起死回生

當然我唔贊成自己擺酒既酒店係爛場

但我又唔會用萬多元去佈置

呢d咪就叫做...又要平又要正...!!

所以用左好長時間去找尋我最喜愛的佈置公司

自己真係好鐘意

Verona - Judy & Cherish - Ron

佢地真係對我好好, 樣樣都會俾意見我

亦都係我既首選

真係好難揀

( 不過其實我係上幾個星期已經confirm左 )

選擇佈置公司的條件:

1. Sales態度, 會否只管做生意咩都話得, 等於我所講既有heart, 樣樣都話得...到頭來..樣樣都唔得...呢d真係...賤格

2. 樣樣都計錢?? 你知道嗎? 每位新人用好多錢? 完全唔會了解?咁當然要求亦都唔好太過份啦~

3. 有朋友用過既公司, 睇過佢現場既作品

4. 禁止遲到, 當晚酒店交場至完全可能只有1小時多, 如果遲到既話就可能做成賓客到左...而個backdrop仲整緊...!! 唔得...接受唔到

當然....最最最重要...係有冇bad list啦~~

Judy & Ron, 都有過不好的評論...不過呢d都係人夾人既....

我唔會話邊個錯與否..!! 因為有讚自然有彈..!!

哈哈....我最後選擇就係

Cherish - Ron

Cherish Wedding

Ron既佈置及價錢都令我流晒口水...

令我嘩然!!

唔係Judy唔好...而係Ron既佈置...真係好正呀!!!俾我有一種好grand既感覺

所以我最後都揀左ron

當然...Ron 係full爆啦!! 好多b2b都話佢既冇期

就算2013年既期都未接受

就係因為咁...Ron 覆野會比較慢...

請大家耐心等候!!

想睇番佢地既介紹及價格

選擇佈置公司

2011年6月29日星期三

選擇佈置公司

對於呢個佈置公司, 我沒有辦法唔假手於人

半點的DIY的天份都是零

之前自己去過 Expo了解過現時的價格

大約以我的要求既佈置要7千至8千蚊不等

吓...會唔會貴左d呀..!!

我既預算係3千至4千蚊..我同亞寶都有共識唔會落太多錢落呢個Item度

Dica Venue Decoration

JNC Wedding Decoration

Sans Deco Wedding

梁品製作

The Elegant Wedding

呢幾間佈置公司都將我嚇走左, 唔係掛...樣樣都計錢

之後經朋友介紹下認識左兩間唔錯的佈置公司俾我

價格合乎晒我既要求之後外, 而且佢地都係好有HEART

Verona Wedding Decoration

Judy 其實好好人, 俾左好多idea我

好多野都話Free俾我, 我自己都覺得呢間公司唔錯

而家朋友話佢地做事好認真

去到最後都會問你滿唔滿意呀等...

雖然都有負面既評分

Plan A $2,588
1. Backdrop with Chiffons, lace, standard accessories & 1 pair of Spot Light 2. Reception with Chiffons, Silk flowers arrangement, Glassware & Candles 3. Cake Stand 4. Photo Easel
5. Glitter Name Tag 6. 1 Free Selection Item

Plan B $3,288
1. Backdrop with Chiffons, lace, standard accessories & 1 pair of Spot Light 2. A Set of 3D Decoration on stage 3. Reception with Chiffons, Silk flowers arrangement, Glassware & Candles 4. Cake Stand 5. Photo Easel 6. Glitter Name Tag 7. 1 Free Selection Item

Plan C $4,888
1. Backdrop with Chiffons, lace, standard accessories & 1 pair of Spot Light 2. A Set of 3D Decoration on stage 3. Reception with Chiffons, Silk flowers arrangement, Glassware & Candles 4. Cake Stand 5. Photo Easel 6. Entrance 7. White Carpet 8. Glitter Name Tag 9. 1 Free Selection Item

Free Selection Item 

Cherish Wedding Decoration

Ron 既佈置本身自己真係鐘意到爆

Basic Package $ 3,280
- 8*16 ft backdrop (with basic base layer & on top with chiffon layer)
- Bridal & Groom’s name die cut in foamboard sprinkle with old dust
- Reception Table (with glassware provide & artificial flower arrangement)
- Cake Table
- Registration Table / Photo Table
- Photo Easel
- a pair of Spot Light for the stage

幾個月前就跟佢地見過面...講左自己需要d咩

咁岩以上兩間都係有朋友用過

但係老實...自己鐘意亞Ron既佈置多d

網上都有對亞Ron既惡評...但係我發現真係人夾人緣

自己唔感受過...真係唔知邊個岩邊個錯

我又唔敢話誰是誰非

最緊要係自己想要d咩...想做d咩...

只係覺得Ron有時d野覆得慢d ja

hahaha

** 其實酒店送左個K & S優惠卷俾我, 當我睇左佢既網頁後, 真係一點驚喜都沒有, 仲要d設計同佈置好似好leung咁..唔係我杯茶...而且聽講仲要貴到飛起!!

而你地又覺得邊個既佈置好d呢??

真係好難揀呀

下一篇....就話俾你地知...

我既決定 haha

2011年6月22日星期三

Lacee Lacey 運動退脂不敢Lazy

以下該文章好o岩一d同我一樣想減肥既女仔

所以就分享俾大家

( 轉自: 太陽報 )

千辛萬苦節食瘦下的幾磅，稍一不慎，就會「閘住再反彈」。這種無奈，大部分女性都經歷過。新進五人女子跳舞組合Lacee Lacey，曾有過不斷復胖的「悲慘」過去，捱肚餓捱餐懵，最終發現，還是那句老話：「想減肥，控制飲食與運動，真的缺一不可。」

眼前五位頂多一百磅出頭的女子，一個二個Tight Tee加熱褲，盡顯腰細腿長，叫人恨得牙癢癢。Fit到如此，仍然追求再可以減少少，腰細一點、手臂Firm一點、臉尖一點，那怕只是那一點點都能令自我感覺良好，難怪說減肥是女子的終生事業。

節食減肥遺禍多

一想起跑到身水身汗、氣喘如牛，減去的卡路里可能只等同五塊曲奇餅的時候，想盡快減肥的人，很容易就會被節食得來的快速減磅吸引，希望以減少攝取量，讓體重下降。Lacee Lacey五個女子當然亦不例外，亦分別有自己「悲慘」減肥失敗的過去。好像成員之一的Wesley，就曾是擁有150磅身軀的小胖妹：「之前在加拿大居住，過着食好、住好、睡好的悠閒生活，不知不覺之下，體重就暴升至150磅，和外國人一起不算突兀，但返回香港就發現事態嚴重，趕緊游泳，配合嚴謹節食減肥，由於地獄式控制飲食，體重成功減至100磅，但自此腸胃一直欠佳，難以吸收營養。」

自言體形是五人中最胖的Halen，也曾試過遵循西柚減肥法，戒澱粉質收身，持續一星期後，雖然有瘦下來，卻出現胃痛，到現在胃部仍時有不適，她也明白是得不償失。至於Jun，曾試過各式各樣的減肥法：「試過4天瘦了6磅，但落得軟手軟腳、踎低起身見頭暈的『下場』，也因身體缺乏糖分，情緒變得低落，人也很躁。」

肚餓減慢代謝率

尚營坊健康顧問高級營養師黃凱詩（Cynthia）指出：「很多人都以為只要忍口節食，身體付出的能量比攝取的熱量少，自然就會瘦下來，卻忽略了過量的節食會損害身體。當身體處於飢餓的狀態，代謝率便會減慢，以保障生命，最後代謝力愈來愈慢，減肥就愈來愈難，而且當攝取的食物劇減，會大大影響營養素的吸收，令抵抗力變弱，面色和精神都轉差，嚴重的會擾亂身體賀爾蒙，影響月經等，實在得不償失。」

節食減肥害處多多，自從身受其害之後，Lacee Lacey五個女仔都開始以多郁動身體趕走肥膏。Halen開始每日圍着維園跑步10個圈的習慣，持續1個月後，就輕鬆瘦下10磅，發現體形變得更Firm，而且有助練氣，對唱歌亦有幫助。同樣，比起節食，Chloe更喜歡以運動瘦身：「本身很為食，覺得要下下就住食實在太可憐。一旦覺得自己肥了，便會勤力點做Gym。我喜歡能充分伸展身體的運動，之前玩過高溫瑜伽，成功減磅之餘，也令肢體變得柔軟、靈活，有利我日後跳舞。」而怕曬的Yong，就多以跳舞以及去水腫按摩達到塑身的效果：「現在我們每天平均練舞4、5小時，很考體力，都沒有刻意減少食量，自然慢慢就瘦下來。」

雙劍合璧功效大

看來，運動是減磅的不二法門，不過，想減肥減得健康，仍然是老生常談，需要以「飲食控制」與「運動」雙劍合璧，缺乏其中一種，都會令減肥成績拖慢。Cynthia補充，即使要減肥，每天不應攝取低於1,200卡路里的熱量，但當然需視乎自已的體重去釐定熱量，才能令身體如常運作。

有需要才減磅

說到減磅，Cynthia認為最首要的原則是「需要先好減」，主觀感覺會受社會風氣、個人美感影響，應採取客觀測試。「BMI」（身高體重比例，Body Mass Index）就是其中一個體重標準的指標，以亞洲人而言，指數應在18.5至22.9之間。不過，由於BMI只能測量體重，健康的身體亦着重適量的體脂肪水平。以生理電阻分析法可得出體脂肪佔身體的百分比，一般而言，男性的體脂肪量為14至23%之間、女性為17至27%便算符合標準。

自製有益小食

減肥時飲食首要清淡，但長期乏味的餐單是導致減肥飲食不能持之以恒的主因。日常不妨為自己準備一些飯餐之間的小食，梳打餅、蝦餅、低熱量脆米餅都是不錯的小食。適逢夏天，可以利用脫脂奶和代糖炮製鮮果涼粉，以及果汁雪條，都是有益又易做的小食。

坊間減肥法不可取

坊間有不少以單一食品作為主食的減肥餐單，例如香蕉減肥法和蔬菜湯減肥法等，其實都只是一種以食物做Gimmick，隱藏餐單其實是極低熱量的事實。這些減肥法通常只容許你每天攝取800卡路里以下的能量，實在難以支持一個正常5呎4吋、每天需要1,500卡路里的用量。而食肉減肥法會嚴重增加肝、腎臟的負擔，長期更會影響心臟功能。