度身訂造西裝 (祥興) PART 1

早前有位Blog友介紹, 度身訂造西裝禮服好地方!!! 星期六番半晏就寫低左個地址!!!

入到門口就發現好多人, 之後同d客仔傾左幾句, 佢地話呢度平日黎做會好一點!!冇咁多人!!!!!!!!(其實Blog友都有提過, 星期六的上午係比較少人) 為有睇左布先啦....

 
之後問佢有冇呢隻色, 佢就會叫你自己搵, 問佢而家做咩款, 佢就會話西裝係差唔多架啦, 係布有唔同, 有長短咁啦..( 如果唔受得氣, 最好就選擇星期一至五來, 咁樣就會好一點, 同等得冇咁耐) .咁我地最後都係睇完布諗住轉頭番黎睇下會唔會好一點, 點知.....  你太天真了..!! 以下 !!

之後....我地都係無頭緒...打算到落下H&M睇下而家興D咩款:

個款都唔錯....但係色就......(相同真色係有一點分別)

最後就簡左呢個款...點知睇一睇個價錢要成為 HK $ 599 !!! 未計西褲..HK $ 299 !!但係BOBO都係沒買到....但係變左我的血拼 H&M 偷雞影左幾張就番轉頭上番師傅到....點知.....!!人龍就排到出門口...!!

實在係.....有點過份...!! 一直以為人傳人...所以先有咁好的生意...點知聽好多人講...呢家公司做的西裝或禮服手工不錯...而價錢仲相當平...! 做套西裝都是HK $998 !! 事問而家出去租一套都唔得啦...仲要係度身訂造..!! 一個字平...!!! 咁樣為有就係...等..!!

係等既期間...拎左佢D晚禮服呀...踢屎兔黎玩....

因為做一套西裝需要時間是4個星期, 因為我地只有3個星期就要取貨, 所以冇做紙樣...直接試上身...再計算 ....

有冇發現後面D客仔唔見晒....??係因為...個時已經七點幾..我地阻住人家收工..!!

同場加影....!! MARK哥學MJ反地心吸力..!!

Special thank: Bubibu

 

進度

今日又到我報報數既時候啦...而家總共減了 20.6/lbs...!!

呢個月進度好似慢左好多...但係兩個月黎講20磅真係唔係一件易既事...!! 但係聽同事話我身就唔覺得瘦左好多, 可能減了一點水份...!! 下個星期又要去見一見家庭醫生啦...但係我希望呢一次既見面...我會提示不用任何藥物...而減肥..!!

呢個星期病左呀...睇左醫生架啦...都係而家最流行既感冒...! 只係做左一日gym..!!

黎緊呢幾個月繼續咁樣落去..應該冇問題...可以達到我既要求..!! 再減多10/lbs 我會獎下自己..食一包大size既熱浪薯片..!! 熱浪..你等我呀!!

哥基BB

11月23日得到我同事的邀請, 到他家幫他們的仔仔女女影相呀, 原來哥基BB係咁得意架

我係哥基爸爸: AR KING

總共有6隻...有3仔3女..!! 好可愛呀!!

媽媽: 細曲

哈哈....衰鬼呀!!

大叫救命中 !! 好眼訓呀

呢一隻訓得好甜呀!!

打呵欠~~~~!

影多張大合照先..!!!

 

 

打邊爐的代價

hea 足兩日...打足兩日邊爐..!! 呢d咁既天氣...當然係愛不釋手啦~~我知道咁樣係要付出代價的...! 我係呢幾日一磅都冇瘦過 望著個磅眼都凸埋...為有係運動個度...大叫瘦瘦瘦...索索索...踢走肥肉女人有責!! (心中唸著) 哈哈... 咁先瘦番0.5磅...晚上仲唔夠食飯, 只係食左個橙..!! 今日特別凍呀...我發現肥牛係度叫緊我....!!! : come on 打邊爐..!! 唉...醒呀醒呀醒呀

今日菜單
早: 麥皮加奶粉, 芝士火腿麥包
午: 龍蝦蘇皮湯, 鮮忌廉什菌長通麵, 凍檸茶走糖 (呢個午餐亦係我內疚唔食飯之一原因)
晚: 橙一個

今日收到消息: 姊妹裙2月份要訂了..我的減肥大計..計埋計埋冇左成3個月時間...唉~ 咁樣係咪ja係代表我唔夠時間呢!?