婚鞋 - Dyos

我要說聲謝謝您

我怕你介意係呢度公開你的名稱,

所以是我跟你的少少秘密!!

收到你給我的心意,

經過...又驚險又好笑的二個星期

雖然以為會已經寄失

但係最後都...收到啦~~

一打開就見到你的DIY心意卡一張

好靚呀!! 好鐘意..!!

第一次有人為我做的DIY !! 謝謝

入面再加一張DYOS的Coupon

哈哈

再次謝謝你的心意

因為...我倆常常談到大家的需要 ( 關於婚禮 )

有好多共同的喜好

常常...催促住我...coupon到期啦..快d去啦~~

哈哈...好啦好啦...今天有一點時間..就去睇睇

Dyos 係分兩層架:

下層主要是普通一點的款式

上層是訂造晚裝的款式

前面有架黑色車, 亞寶係呢度等我, 佢話唔想泊入時代廣場, 又怕俾人抄牌

所以亞寶冇陪我上去, 我就係o係上層既落地玻璃窗前問佢呢對得唔得個對好唔好, 之後我就話我睇中左幾對...真係好多款...花多眼亂, 叫佢上黎5分鐘, 佢睇完又落番去等我

唔知係咪拍得太耐拖...我係落地玻璃望一望佢, 而佢就用吻語話: 快d啦~ 咁我又用番吻語同佢講: 俾緊錢啦~~ !! 我覺得呢種係我倆之間咁多年既証明

剛好Dyos有自己的size, 不用訂造, 可以即取回家

提醒大家:

雖然著上去真係好舒服, 但我見好多對雖都係有污漬

所以真係要睇清楚

最後就揀左呢對...令自己最驚訝既...!!

亞寶見到我簡對斗零踭, 佢都好驚訝

敗給一對4寸半的鞋款手上

本來跟自己說好唔好買咁高

點知...唉...哈哈

 

我參加左啦~~

我參加左The Theme Wedding既Dream a little THEME to Truth比賽呀

今次第一次參加呢種既比賽, 羸左既有機會獲得佢地公司既wedding planner既服務

所以就要你地幫幫手啦~

做法好簡單:

只要你地係我同我亞寶既相片讚好就ok啦~

the theme wedding <-- click入去右上角有個讚好

之後再入

參賽既相片 <--就可以讚好架啦~

我同亞寶比賽既相片係

Thank so much !! ^3^

 

自私自利的人

呢個世上真係好多衰人

我好明白咁多位blogger為左自己結婚既事努力

不斷在做Reseach, 不斷咁叫一些有私有化既Blogger add佢地

大家都係為左同一個目標進發

想自己既Wedding Party搞到有聲有色

我都係其中一個為自己努力既人

因為我近來發現好多人叫我add左佢地之後

過左一排....佢地就會唔見左人

又或許...只有我地呢D傻人不斷咁update, 就係為大家而作個方便

而自私的人就只係想索料

ok 冇問題.....我對一d自私自利既人講聲再見

從此之後

DELETE

出售 - Lane Crawford $500 現金劵 (SOLD)

亞寶媽媽俾左張Lane Crawford 現金券俾我

但係我第一反應係拒絕, 因為我自己唔會去Lane Crawford買野

亞寶媽叫我放上網賣

如有冇Blogger有興趣呀...留私人回應給我

 

Lane Crawford $500 現金劵

有效期: 1年

 

對我來說的: 婚禮上司儀的重要性

跟亞寶剛拍拖的時候, 都會發白日夢打算找朋友當司儀

但在多位朋友的婚宴上, 慢慢發現....

 

自己朋友做婚禮司儀發生好多的問題

1. 不能帶動全場的氣氛, 出現悶場

2. 兄弟姊妹掛住打麻雀, 忘記了當天的使命

3. 沒有做司儀的經驗, 說話不流暢, 並且出現怯場的情況

4. 跟新人拍照時, 次序亂七八糟, 雙方家長全晚黑面

 

之後....為何令我改變主意請一個專業的婚禮司儀??

1. 司儀為新人設計婚宴中的遊戲

2. 朋友歸朋友你唔可以迫對方做到自己既要求

3. 婚前三個月司儀會跟你了解新人相識的過程

4. 婚禮司儀會安排當晚的流程, 例如: 燈光...音樂...新人片段

5. 幫新人安排敬茶流程

6.  協助律師及家長進行證婚儀式

7. 通知新人什麼時候需要換衫等

雖說用了幾多千元請一個婚禮司儀, 但係唔想為左慳幾千元, 而後悔一生

自己做左好多既Research,

之後覺得Tony唔錯, 因為我唔鐘意d人勁sell我

知道佢每年都加價>.< 所以嗱嗱聲confirm啦~~

Mc Tony's Website

( Copy from Tony Blog )

睇左好多個Blogger既婚後評分, 都大讚佢夠專業 !!

本身都想請埋佢老婆 Bonny架, 但budget有限

係電話入面, 我問Tony洗唔洗落訂,

佢話大家都係講個信字, 唔洗入啦

之後我Send 左個SMS俾佢,

話佢知: 佢幾BD, 我和亞寶個英文名及婚宴地點等

就係因為佢一句說話講個信字而放心

 

亞寶給你的悄悄話:

雖說你不想請一個陌生人來當我倆的婚禮司儀,

因為你覺得結婚已經用左好多錢

但係我想給你知道....

就是因為其他地方都是完美的時候

在晚宴上出現這個小小問題

令我後悔一生....或許為事後此事而喊...

你都唔想架..HAHA

無謂為左數千元而....這樣吧

哈哈

我知道是我的錯...自作主張...!

但當你知道有一個專業婚禮司儀時的好處

你應該會多謝我吧..HAHAHA

分享 - Asuki &amp; Gary&#39;s Wedding

好多謝Asuki邀請我....到她的婚禮...

可以分享到他的喜悅

禮堂給我的感覺..好舒服...好正

之前Asuki都有提過用黑色黎做主提, 真係好特別呀!!!

婚禮開始啦....伴娘...拎住扎好靚既花!! Like

真係眼前一亮呀...估唔到真係用左黑色呀

咁...我都要係相入面做個特別效果.. haha

今次帶左個冇咁好既相機....

影d相真係好差呀>.<

我覺得新郎好識講野, 令到全場人又笑又喊

當他們講佢地既見證...我覺得好感動...真係喊左出黎

雖然我唔係信徙...原來銘銘中總有主宰

因為失去一樣野, 所以才會得到

要學會珍惜

今次再次多謝...Asuki & Gary...分享您們快樂...

但係因為今次的機會...自己學會好多相處之道

因為總之....咩都係老婆o岩晒

hahaha

(私有化)