同亞寶好早就出左去黃大仙, 因為怕好似上次咁一等再等...!! (上次等左2個幾鐘)
今日奇怪地一個人都冇, 點知蘇師傅又寫錯野 
之後就去左旺角金都拎下關於Camman的資料啦....
好多間呀..睇到花都眼暈...!! 價錢更加係有平有貴...!! 3至4千都可以搞掂....!!
平成咁真係有d擔心 !! =.=
係車上面亞寶係咁講...就算幾多錢都好啦...都好講彩數...!! 我都明白...但係一世人一次, 你又點會明白我咩都想最好, 由其是係Camman, Pre-wedding唔靚可以影過, 擺酒只有一次...Camman都算係回億既最關鍵既事...!! 我唔想衰呀....!! 我個心都係偏左joseph個度...雖然真係比金都既貴一倍...!!
台灣既護膚品又好用又平, 好多人都知....
好朋友告知在新年時, 會到台灣旅行, 簡直令我開心左幾日....!! 因為會第二句跟我說的....就是.....要唔要幫你買野呀..?? 哈哈
我要好多謝佢, 因為佢幫我買番黎既護膚品可以用到半年以上....!! 足夠我下次到台灣自己再掃多轉....!!
因為我年尾會到台北影Pre-Wedding呀, 你地又有冇野要我買呀??
我朋友話....台灣好難搵到Dr.Wu既專門店, 所以就去左以下呢間鋪頭買...!!!
好友男朋友發脾氣, 原因為左幫我買野, 搵呀搵, 找呀找去左呢間野十次以上
哈哈
朋友說: 呢間野好似我地香港萬寧個d咁架, 好多不同牌子既護膚品都會係呢度搵到...
比香港真係平一半以上架...不過因為呢排對換台幣高左呀...所以比之前買貴左少少呀..
呢支玻尿酸保濕精華液香港只有 15ml 架炸..(台灣就有35ml) 仲要係我而家用香港既15ml價係台灣買到35ml既份量呀..真係開心死我啦~~~~
聽bubibu講...呢個mask幾好用...所以買左兩個試下好冇用...好用就去台灣時...買多幾盒守下門口...!!! hahaha
廣源良既菜瓜水, 好好好好好用.....係香港真係唔見有得買呀....為番港幣60蚊支..仲要係150ml真係好大支架...!! 抵用...!!!
呢個係好友買給我的手信...!! 不過聽說森田呢個牌子..又係好多人讚美...!!
希望年尾台幣...對換價...跌...跌...跌....
之前係度擔心呢樣擔心個樣....都係為左一樣野好頭意
男人可以覺得是但啦...佢又點會明白女人點解會擔心...!!
自問係一個好心急既人, 每做一樣野要立即去做, 唔係就好似被蟻咬咁, 周身唔舒服.!!
點解會咁講, 因為我的B-Day係我同亞寶自己隨隨便便咁揀出黎既...!
又怕影響自己既婚姻 !!! 唉....!
仲要同幾位Blog友傾計...搞到佢地要安慰番我自己....! (多謝你們喔)
算啦...呢幾百元真係唔慳得既....!! 當係買個心安都好呀.....!!
係上幾個星期就去左Blog友大讚的....蘇東明師傅個度啦
本來蘇師傅既2012年擇日收費係680元 (2011年580元) , 有人問我點解蘇師傅收我580元, 因為我唔需要蘇師傅幫我擇日, 應該係話我有日子俾佢, 只係佢幫我Check番d時辰ja...蘇師傅仲同我講....你地咁勁既...隨便揀都揀到好日既....哈哈...! ( 開心ing ), 不過佢話個日忌豬年, 係亞寶爸爸的生肖, 搞到我幾擔心呀...佢話只要入門個時擰轉面就可以架啦 !! 
** 有一個問題 **
如果我揀左係酒店出門, 咁樣我係咪應該係屋企上左頭先去酒店呢??
點知師傅說 係拜完祖先之後上左頭先去酒店!!
請問你地係咪又係咁呢...我有個同事話上左頭唔可以出門口...!! 究竟邊個先o岩呀??
對於咁多日來既睇場, 最後都有左決定....
當時.....有兩個場都令我心大心細....1. 逸東酒店 (金鑽廳) 2. 德藝會 (九龍灣)
不如我講下兩個場既比例:
1. 逸東酒店:
亞寶的媽媽說: 終於都係酒店, 感覺上係大方D (唔係話其他唔大方, 而係相比德藝會)
最大問題係德藝會要到6-7月才有價錢出黎, 而相反逸東出來個價格都唔錯...如果等到6-7月德藝會個價唔得我先, 回頭找逸東...到時俾人book左點算呢???
優點: Min Charge比好多酒店低 ( 如果想知實價, 可以留言給我), 裝修唔錯, 親愛 Blog友說: 終於都係酒店, 比例上都有機會收多d人情....( 唔望賺, 但係都唔想蝕太多 ) 
2. 德藝會:
佢俾我個個價格係2011年既....如果2012年七千蚊一圍...逸東都只係貴少少...!!
優點: 交通方便, 新娘房大有獨立廁所, 有一個升起既台!!! 另外一個問題, 個台實在太高太細....!! 老人家唔方便....!!!
終於個度都係一個會所, 好多人行出行入, 雖然亞寶說晚上都無咩人行架啦...難道你可以控制別人嗎??? 個度既 Reception又唔會問你邊個, 唔識既人都可以行黎行去...就算新娘房有廁所都冇用....!!!
最後都係簡左...登...登...登...
.
.
.
.
.
.
.
酒店: 逸東酒店 (金鑽廳)
--完--
(私有化)
因為上次有人擺酒既關係, 所以搞到要EXPO先可以去睇...!!
佢另外仲有樣野, 加$5XXX有個燈光+枱椅套, 老實講呀, 個燈光真係冇咩特別....
個台太高啦...老人家真係唔方便, 仲有呀, 如果大合照的話, 有D人要企係台既前面...
呢個就係俾人影相既南瓜車.....
佢最特別既地方就係有條長既樓娣及係最高既位置升上黎...
我計過啦...個晚呢度就放左24圍...都O岩O岩好..但係...如果...多2-3圍就好迫啦~~
新娘房幾大wor....又有獨立既廁所唔錯...
優點: 樓底高, 有鋼琴, 新娘房大....
缺點: 因為係會所的關係好多人出出入入, 亞寶既媽媽就話冇咁大方, 其實我已經落左我呢幾日睇場既其中一間既訂架啦....不過結果要私有化.....
嘩...第一次俾我見到...7人車size既的士..可以坐人數只有5人...但係佢係輪椅只車黎架...
新年個段時間, 最後衝刺睇埋呢兩家就做個最後既決定....!!
( 懶到出汁而家先POST番出黎)
今次就去左Club One 及 德藝會....咁遲先post都有個原因架....睇埋落去就知道啦~
首先去左官塘新開既Club One....
未入到黎之前...佢係天橋位落黎就係...落下門面唔算係似擺酒既地方
上到黎1/F, 佢就有一種酒店既感覺...
再上多層就有兩個大光燈射住...!! (心諗...咁有明星Feel既)
一上到黎就見到個Reception位, 都算係好大wor...感覺幾cyber
有位姐姐就我地坐係度等.....ummm...燈光真係唔錯
廁所只有4格....好乾淨...
個位好正....一個長形可以放到好多圍....而呢個backdrop就係佢地既會為客人做既....好靚wor....
亞寶最最最唔鐘意就係個新娘房係位既後面..
呢個新娘房大到......可以放到六至七圍麻雀....真係好誇張呀....HAHA
之後我地就去左九龍灣....睇德藝會..但係咁O岩有人擺緊酒呀...入唔到去睇...要改第二日啦=.=
今次就去左另外一家酒店逸東酒店啦~~~
一入到去既感覺好新, 唔錯....
呢度就係同新人傾詳情既地方...好舒服
之後sales就帶我地就金鑽廳, 呢度就係只會有新娘一個可以行落黎既樓梯...好靚呀...好鐘意呀....不過佢既新娘房冇獨立既廁所, 去換衫又要上上落落....不過呢個問題都唔係太大
個台都好大, 好鐘意.....
感覺真係好Grand, 地方又正....交通又方便....如果我地既圍數係可以提升到蜜月客房...真係好鐘意呀 XD
呢度就係另一邊既Backdrop, 因為怕d老人家唔鐘意西式既, 所以整多一個....
呢個係亞寶話最唔鐘意既地方....因為場地係一個工字形既場地, 所以一部份既賓客完全睇唔到個台...只可以睇電視....>.<
整體我真係好鐘意...因為佢終於都係一間酒店, 雖然佢比一般既酒樓同會所係貴左2千蚊, 不過而家好多酒樓既價格都係天價, 好似欣宴...貴得可怕..同酒店同價....點解我仲要咁傻呢....下星期約左2間會所, 之後就會有決定....( 私有化 )
啫係我要再去過....!!
