掛鞋係我從結婚開始就早好決定左既item的
但遲遲都未出手, 原因一直都找不到我想要的
點知前幾日同男友去行街既時候比我見到
其實我唔係要d傳統既款式, 要著得番為大前提
男友對我呢個決定都好贊成
一直我都好鐘意Converse, 因為鞋款易襯衫
而且好多反傳統既b2b都唔鐘意著傳統既龍鳳掛鞋
而家今次仲比我搵到連鞋頭都係紅色既款
老人家實無聲出 (不過鞋既邊位都留有少許既紅色)
而家呢個款仲做緊優惠呀!!! 最平都只係$169呀!!!! 認真超值呀!! 
連我家的妹頭都想聞下佢 !!
各位小心呀, 而家好多出面既店鋪, 入左d壽鞋當掛鞋賣呀!!
最好買d有龍鳳既款式, 就算買左花花既款式都唔怕看一看佢地鞋底係咪膠底就ok啦~~
經過多次既搜尋及得到無數個b2b既情報
最後也是confirm左呢間既訂造姊妹裙既公司
COME 2 ME
姊妹團方面令我多次受打擊
雖然呢個打擊應該係開心...但係亦令我失去如意算盤
因為本來六個好姊妹入面有三個相計有左BB, 我覺得我真係好腳頭
恭喜恭喜~
最後由六個姊妹改為五個, 仲要迫亞寶個邊Cut 一個兄弟 !!! 難為左佢!! hahaa
而姊妹方面是有一點要求既
所以我都用左1個月時間去尋找他們的喜好
搵左個瘦既姊妹做毛, 最後試左幾件後, 佢地揀左呢個款, 但係要改為長裙, 感覺都幾grand.
試裙就快....但係揀顏色方面就用左好難搵到共識, 最後揀左個好少人用既灰色,
雖然少人用, 但係我覺得襯落我個紫色backdrop一定好正
$ 300/per 1 條, 我覺得長裙來說真的好正
又包埋改, 真係平過淘寶之餘, 仲唔洗擔心寄到番黎唔知變左d咩
後記: 我在一個半月前已經預約左Elaine, 個度地方好細, 當時一行六個人去到已經迫到爆
當時有3個女仔walk in, 我覺得失去左呢個預約既意義, 我明白人家要做生意
但係點解因為迫既關係要我地既人出門口等呢?? 我地唔係客咩??
我最嬲既係....
呢個女仔對我既朋友好無禮貌, 最緊要係踢到人一句sorry都唔講
最後我大大聲講...試裙要預約..!! 哦~~!!
服務是沒有問題既, 所以我無嬲Elaine!!
我好鐘意睇華麗明星賽....當然係因為有漂亮的衣服外及師奶仔節目得啖笑
但係早前得知草蜢成員蘇志威開左男仕禮服店...用自己的名聲來為新人改革傳統既普通禮服
星期一的中午時段, 沒有預約....膽粗粗咁殺上左
當時只有一對新人在試衫, 我仲諗一間明星開的店舖為什麼那麼少人??
店內的裝修及擺設都令人舒服, 就算店員亞Nick的服務真的很貼心
亞寶話只租一套禮服, 但係Nick擔心我們從另外的公司租時的配件不好, 也願意主動提出額外借多一套給我們這個要求
而且我們起碼也試了超過過十套的晚裝, 他亦不嫌煩地走來走去為我們作出唔同的配搭
當大家試得好開心時, 很多很多新人都walk in入黎, 店內只有3名店員
哈哈....幸運地我們來的時間真的剛剛好
而亞寶最後都選擇了比較簡單的銀色日式小燕尾
多謝 $2380呀!!!
我知道2千多元呢個價格算是貴, 但係難得亞寶話佢既服務是無價的
好過係出面受苦受難呀
同埋佢地禮服以外, 仲有好多配件都有賣既
例如...黑色漆皮鞋...手工真的不錯
只係賣$9xx蚊, 亞寶話要買...我只好說遲少少才賣都唔遲 !
難得佢有呢個衝動...哈哈
LUXE Tuxedo Limited
G/F, 44 Kimberley Road, Tsim Sha Tsui, Kowloon.
Tel: 2311 2411
Facebook: http://www.facebook.com/media/albums/?id=209199119201762#!/media/albums/?id=209199119201762
Website: www.luxetuxedo.com
