酒店 - 逸東

今次就去左另外一家酒店逸東酒店啦~~~

一入到去既感覺好新, 唔錯....

呢度就係同新人傾詳情既地方...好舒服

之後sales就帶我地就金鑽廳, 呢度就係只會有新娘一個可以行落黎既樓梯...好靚呀...好鐘意呀....不過佢既新娘房冇獨立既廁所, 去換衫又要上上落落....不過呢個問題都唔係太大

個台都好大, 好鐘意.....

感覺真係好Grand, 地方又正....交通又方便....如果我地既圍數係可以提升到蜜月客房...真係好鐘意呀 XD

呢度就係另一邊既Backdrop, 因為怕d老人家唔鐘意西式既, 所以整多一個....

 

呢個係亞寶話最唔鐘意既地方....因為場地係一個工字形既場地, 所以一部份既賓客完全睇唔到個台...只可以睇電視....>.<

整體我真係好鐘意...因為佢終於都係一間酒店, 雖然佢比一般既酒樓同會所係貴左2千蚊, 不過而家好多酒樓既價格都係天價, 好似欣宴...貴得可怕..同酒店同價....點解我仲要咁傻呢....下星期約左2間會所, 之後就會有決定....( 私有化 )