2月2日係我的生日, 個日同左亞寶去行尖沙咀同埋睇戲...
之後行行下就記起樓上13/F就係人見人愛的The One 煌府...
咁我就諗...今日應該冇人擺酒掛 ( 年三十晚 ) , 咁就上左去睇場...
廁所只有三格, 太少了, 不過都係幾乾淨既.....
呢個場係分左A, B, C 區, 我們既圍數可以揀A區, 又或者B+C區, A區係有個CAT WALK台同埋中心位圓台可以轉動的...
上面個張係就係A區既CAT WALK台 (亞寶個呢度似做MODEL行CAT WALK...
A區既新娘房, 好大, 大到可以放2至3台既麻雀枱.....仲有獨立廁所....
另外仲有一度門可以直接上台既..唔洗走黎走去....
呢度就係新娘房望落去既景...好靚...好醉人..我相信晚上會仲靚..不過係度換衫會唔會俾人睇呢...???
呢度就係B+C區既新娘房...細好多....
亦都有個靚景.....
B+C區感覺上係細好多, 但係圍數真係亦都可以放到40+圍=.= ( 中間有板格住架, 當時沒有格...正可以睇晒兩個場)
最唔鐘意既地方就係....一開電梯門就係簽名位..OH...太細了...放唔到我想放既野呀...例如CJ, 同埋SB呀....!!!
當時個SALES打開本BOOKING 既簿...嘩...俾我見到12年12月既期...好多人都BOOK左...仲有13年既1月都有人BOOK左...洗唔洗呀..!!! (其實自己都係咁心急...)
睇完後..聽下佢既Min-C...嘩....真係同阿雪琪講既一樣呀... 同酒店既價錢一樣既...真係唔好俾既5千至6千既價厄到呀...要留心...佢既Min-C呀....!! 仲要冇酒店房送..又要加酒水錢.....未免太貴啦掛....!!
PS. 多謝某幾個blog友既支持同指教, 因為佢地我好努力咁睇場, 同埋佢地俾意見和貼士。 預祝你們幸福快樂 !!
之後去左IMAX睇青蜂俠....!! I LOVE JAY CHOU
祝各位新年快樂, 幸福快樂, 身體健康~~~
hihi,新年快樂！祝甜甜蜜蜜，笑口常開，財源滾滾，步步高陞！！！
回覆刪除見到你既blog都分享得好詳盡ar!thanks!
其實洗手間有兩邊架，另外一邊大d，格數多d。
THE ONE個場既min charge比較高架，要比較多圍數先容易meet到，如果唔夠圍數，就要upgrade菜單，咁都唔系好建議你咁做ar!O(∩_∩)O哈哈~
其實我未見到你share自己大約預幾多圍，或者可以推薦返其他場地俾你ar!
[版主回覆02/04/2011 22:55:00]你好, 新年快樂...
我大約25-30圍啦~~~
25-30圍其實如果要THE ONE煌府既話，都可以b+c區，如果要A區，就要30圍以上可能先meet到（用第一款菜單就可以），如果尖沙咀區，都可以考慮煌府188分店，如果你有30圍左右，都應該可以傾包場。
回覆刪除或者你會唔會考慮九展煌府都超大超靚，有雲石樓梯和空中花園，而且菜單和包場條件都低過THE ONE，其實九展煌府所有條件同環境都好好，好靚，好老實講，唯一就系地區，方便性唔可以同尖沙咀比，不過可以傾到酒樓送旅遊巴俾你送客（送到荃灣，旺角都可以）
都會煌府就唔太適宜你啦，因為如果你以後想加圍數，就比較難啦！
我建議你可以再睇下煌府188或者九展分店比較下啦ar!最緊要適宜自己的需要！
[版主回覆02/05/2011 12:07:00]本身我唔太鐘意同人SHARE個場架, 因為我怕比較...
九展個個我都去飲過...但係....樓底唔陪高呀, 不作考慮~~
hi, i just pass by... i was wondering if you have reserved this venue... I saw this post and not sure if it is useful to : http://www.facebook.com/note.php?note_id=10150122082625042&id=569924012
回覆刪除[版主回覆02/07/2011 23:20:00]我之前都睇過呀....不過真係有D過份呀..!!
我book 0左 the one煌府 A場,,,,,都係好唔鍾意佢個簽名位,,,超細 ,,,但係佢個場真係幾靚~~靚過好多酒店~
回覆刪除[版主回覆02/09/2011 15:20:00]係呀, 真係幾靚, 只係我覺得而家仲有得揀, 所以睇定d先囉~~
不過佢咁既價貴過酒店呀~~