收到啦!!收到啦!!

終於收到係我上年11月係台灣拍既個輯PW啦~
有人會問我...嘩...點解你咁遲先收到....!!
唔關人Sophia事, 最衰都係我!!!
一個月先覆人地一次
搞到今時今日先收到~~ 哈哈!!!

因為速遞要office hours 先會送來!!
所以就麻煩未來奶奶幫我接收...而且仲要佢幫我比左錢先!!
一放工就等埋亞寶立即飛奔去男家睇樣
好鬼死貴呀!!! 怪不得個運費會咁鬼死貴!!

不得不讚, 台灣Sophia包得好扎實, 而且仲好細心每樣野都包得好好
未來奶奶都話速遞公司個個大隻男好勁揪~一個人就可以搬得到~!!

但係有樣野就不得不彈既就係....佢地竟然做錯左我既大油畫呀!!! >.<
立即send電郵比台灣問清楚, 點知佢地知道佢地錯之後
佢地剛巧有expo, 佢地既同事會拎來香港比我
之後先搞掂左, 換左第二張大油畫